--Ads--
Impakaamo ni Princess Abante, pannakangiwat ti House of Representatives, nga impasigurado dagiti kaaduan a mammanday-linteg ti suportada iti liderato ni House Speaker Martin Romualdez.
Karaman kadagiti nangiyebkas ti suportada ket dagiti mamanday-linteg manipod iti Central Visayas.
Manipod idi Sabado, kinuna ni Abante a dumanon iti 285 a kameng ti incoming 20th Congress ti nangipeksa ti suportada kenni Romualdez.
Dinakamat pay ni Abante nga agtaltalinaed a nakapokus ti House of Representatives iti panangipasa kadagiti linteg.
Karaman kadagiti kayatda nga ipasa ket dagiti linteg a pagbalinen a nalaka ti taraon, ad-adu a trabaho, suporta kadagiti mangmangged, mannalon ken kadagiti babassit a negosio, ken dadduma pay.
