--Ads--
Binilin ni PBBM iti DepEd a matarimaan dagiti amin a kasilyas iti parapubliko a pagadalan.
Iti insayangkatna a panagsukimat kadagiti sumagmamano a pagadalan maysa a lawas sakbay ti panangrugi ti klase, naimatanganna ti parikut kadagiti kasilyas para kadagiti estudiante.
Patienna a napateg a risuten ti kinadalus dagiti ubbing nga agus-usar iti kasilyas.
Nadlaw pay ni President Marcos Jr. a kasapulan a masukatan ti dadduma a siled-pagadalan, gaputa 20 agingga iti 30 ti tawen dagitoyen a daan.
Imbilinna pay iti sumagmamano nga opisyal a kitaenda no apay nga awan ti suplay ti danum ti dadduma pagadalan uray no binnulan a bayadanda ti water bills-da.
