--Ads--
Impakaamo ni Senate Majority Leader Francis Tolentino idi kalman a maipalubos ti pannakaisubli kadagiti articles of impeachment kontra kenni Vice President Sara Duterte iti Kamara iti sidong ti Rules of Court nga inadaptar dagiti senator judges.
Sigun kenni Tolentino, inadaptar dagiti senador iti impeachment court ti Senate Resolution 39 a nakalanadan ti pre-existing rules ti Senado a naaramat bayat ti impeachment trial ni sigud a chief justice Renato Corona.
Daytoy ket impaakamona kalpasan a binabalaw ti publiko ti desision dagiti senator judges nga isubli dagiti articles of impeachment kontra kenni Duterte.
Impaganetgetna a ti kaso ni Vice President Duterte ket saan a na-dismiss wenno naterminate.
