BAGUIO CITY- Naipaulog ti pammilin a maingetan ti saan a pannangiruar dagiti residente iti siudad kadagiti nabubulok a basura, kasaruno ti temporaryo a pannakaiserra ti Land Fill idiay Urdaneta, Pangasinan itay nabiit.
Iti pannakiuman ti Bombo Radyo kenni Councilor Rocky Aliping, ABC President iti siudad ti Baguio, kunana nga agtultuloy ti programada a panagaramid iti composting area ken dadduma pay.
Kidkiddawenna kadagiti residente a liklikanda ti panangibelleng iti basura kadagiti creeks, kanal ken drainage.
Impeksana a trabaho dagiti residente a mangimanehar kadagiti basura dagitoy.
Innayon ni Aliping a mabalin nga agaramid dagiti household iti composting bin para kadagiti awanan iti bakante a lote.
Iti baet dayta, kinuna ti nasao nga opisial a mabalin a ma-kolektar dagiti nabubulok a busara la kitdi, dimmalan iti umno a segregation.
Nupay kasta, inyunay-unay ni Aliping a mandato latta dagitoy a liklikan dagiti residente ti pannakairuar dagiti nabubulok a basura dagitoy.//mp4
