Impakaamo ti Armed Forces of the Philippines (AFP) a karaman ti maysa a senior leader ti New People’s Army (NPA) kadagiti walo a mapapati nga insurgents a natiliw sadiay Agusan del Sur idi napalabas a lawas.
Sigun kenni Colonel John Paul Solgado, chief of the Combined Joint Information Bureau of Exercise Balikatan, ti mapapati a top ranking NPA leader ken pito a dadduma pay ket natiliw babaen kadagiti suldado ti 10th Infantry Division ti Philippine Army.
Gapu iti dayta, ngimmato ti bilang ti natiliw dagiti puersa ti militar manipod Enero a uno agingga Hunio a dose iti agdama a tawen a dumanon iti uppat a pulo ket uppat.
Idi sabali pay nga operasion idi laeng Hunio a kinse idiay Eastern Samar, pimmusay ti maysa a mapapati a kameng ti News Peoples Army iti 15-minute firefight dagiti nabatbati a mapapati a terorista a grupo ken suldado ti gobierno idiay Borongan.
Kinuna ni Col. Francel Margareth Padilla, pannakangiwat ti Armed Forces of the Philippines, a nagresulta ti nasao nga encounter iti impormasyon nga impaay dagiti sibilian.
