Impakaammo ni Julie “Dondon” Patidongan, maysa kadagiti naakusaran iti kaso dagiti mapukpukaw a sabungeros, a ti mastermind iti pannakapukaw dagitoy ket ti businessman a ni Charlie “Atong” Ang.
Malaksid iti dayta, impettengna metlaeng a karaman iti daytoy ti actress a ni Gretchen Barreto.
Immunan pay nga impakaammo ni Patidongan a dagiti mapukpukaw a cockfight watchers ket napapatay amin.
Daytoy ket ti sigud metlaeng a chief of security iti Ang’s fighting cock farms.
Kinunana a dagiti mastermind iti nasao a kaso ket da Charlie Atong Ang, Eric Dela Rosa, ken Engineer Celso Salazar.
Impeksana a ti pinaka-mastermind ken nangibilin nga ilemmeng dagiti mapukpukaw a sabungero ket ni metlaeng Atong Ang.
Impaganetgetna pay a ti policemen ket mapapati a nabilin a mangisango kadagiti cockfighters a mapapati a nag-cheat.
Innayonna pay a 100% nga adda pakainaigan ni Barretto iti daytoy agsipud ta kanayonda nga agkadwa kenni Atong Ang.
