Impakaammo ti Philippine Coast Guard (PCG) nga adda manen ti maysa a sako a nadiskubre sadiay Taal Lake bayat ti search and retrieval operation’ itay pangaldaw.
Saan metten a naipakaammo no anya ti linaon ti nasao a sako.
Kabayatanna, maipalagip a dua a kanayonan a sako ti nadiskubre iti metlaeng Taal Lake idi kalman.
Sigun kenni PCG Southern Tagalog Commander Commo. Geronimo Tuvilla ti umuna a sako ket nasarakan-200 a metro manipud iti shoreline bayat a ti maikadua a sako ket nasarakan-100 a metro ti kaadayona manipud iti shoreline.
Kinunana a napisangen dagiti sako rason a tinakupanda daytoy iti mesh net tapno saan a matuloyan a maiwara ti linaon daytoy.
Nupay kasta, saandan nga impakaammo ti linaon daytoy gaputa saanda pay a linukatan tapno mapreserba no anya man ti linaonna.
Naiturn-over metten dagiti nasao a sako iti crime scene operatives para iti forensic examination.
