Mairekreklamo ti maysa a kalsada idiay Camp 7, Kennon Road, Baguio City partikular iti paset ti rangtay kalpasan a nadadael a dagos dagiti aspalto, a kaikabkabil laeng.
Sigun iti complainant, agarup dua a lawas laeng a naikabil wenno naisimpa ngem napirdi daytoy kalpasan laeng ti mano nga aldaw.
Ngem sigun kenni Cesario Rillera, Chief Planning and Design Section ti Department of Public Works and Highways-Baguio City District, a posible a na-compromise ti kalidadna dagiti aspalto gapu iti agtultuloy a panagtudtudona.
Inlawlawagna a posible a nagtudo idi naikabil ti ashpalt overlay isut rason a napirdi a dagos ti nasao a banag.
Kabayatanna, kinuna ti nasao nga opisial a saanen a karaman iti kontrata ti panangikabil ti aspalto nu napirdi daytoy.
Sigun kenni Rillera, maipaiman iti kontraktor ti gastos para iti pannakaitarimaan manen ti aspalto.//Bombo Noveh Organo
