Mairekreklamo ti maysa a lalaki gapu iti maatap a kasona a grave threat iti siudad ti Bqguio.
Ti complainant ket babai nga agtawen ti 53, widow, ken residente idiay Yangs Subdivision, Bakakeng Central, Baguio City, bayat a ti mairekreklamo a lalaki ket agtawen ti 49, naasawaan, awanan ti trabaho ken resident ti kapada a subdivision.
Maibasar iti report ti pulisya, dinadael ti suspek ti furniture ti complainant a pakairaman ti leather couch babaen ti kitchen knife bayat nga insawangna ti “pattayen kayo amin.”
Ginandat pay ti suspek a bagsulen ti biktima ngem dagos a timmaray ti biktima ti kuarto ken immawag iti istasion ti pulisya.
Dagos met a nagresponde dagiti kameng ti pulisya ken boluntario a simmuko ti suspek ken impaimana ti inaramatna a kitchen knife.//Bombo Genzel Depayso
