--Ads--
Agdesision ti Senado inton August 6, 2025 no maituloy wenno saan ti impeachment trial ni Vice President Sara Duterte.
Kasaruno daytoy ti pangngeddeng ti Korte Suprema nga ideklara a maikontra iti konstitusion ti impeachment complaint kontra iti bise Presidente.
Impakaammo ni Senate President Francis “Chiz” Escudero idi Martes, Hulio 29 bayat ti caucus dagitoy, nga immanamong a mangikeddeng iti petsa tapno parsasaritaanda ti nasao a banag.
Sigun kenkuana, naipaay ti nasao a petsa tapno maaddaan dagiti senador iti umdas a panawen a mangadal iti 97-page decision ti Supreme Court.
Karaman metlaeng nga adalen dagiti senador ti opinion nga impila ti lima wenno innem a hues.
