--Ads--
Nakasagana ti Office of the President a mangipaulog manen iti travel authority kenni Vice President Sara Duterte, no agturong iti sabali a pagilian.
Sigun kenni Palace Press Officer Undersecretary Claire Castro, ipaayanda iti travel authority ti bise presidente ta no saan, agaramid manen daytoy iti storia a diktador ti gobierno gaputa nalimitaran ti freedom of movement daytoy.
Kabayatanna, kinuna ni Castro a damagen latta iti Office of the Vice President no adda ti panggep ti bise Presidente nga agtravel ita a bulan.
Daytoy ti sungbat ti nasao nga opisial, no nagkiddaw ni Duterte iti travel authority para iti panagturongna sadiay Kuwait.
