Inimbitaran ti Infrastructure Committee (InfraComm) da sigud a Senate Finance Committee Chairperson Grace Poe, Ako Bicol party-list Rep ken sigud a House Appropriations panel chairperson Zaldy Co kenni sigud a Department of Public Works and highways (DPWH) official Roberto Bernardo tapno sumango iti imbestigasyon iti flood control projects partikular iti budget insertions.
Naimbitaran dagitoy kasaruno ti panang-aprobar ti House panel iti mosyon ni Caloocan Rep. Edgar Erice, no sadino kasapulan nga ilawlawagda no apay nga adda ti insertions iti national budget manipud 2023, 2024 ken 2025.
Sigun kenni Erice mapapati nga agbalor daytoy iti P1 trillion.
Immunan met a kinumpirmar ni House InfraComm chairperson Rep. Terry Ridon nga inimbitaranda ni Co tapno sumango iti imbestigasyon iti naanomalyaan a flood control kalpasan a naduktalan nga adda ti naisingit a P96 million ghost infrastructure project sadiay Plaridel, Bulacan.
Sigun iti mammanday-linteg ti nasao a proyekto ket awan iti National Expenditure Program wenno iti mismo a General Appropriations Bill.
