Kidkiddawen ti baro nga interim Prime Minister ti Nepal a ni Sushila Karki kadagiti umili daytoy nga agbalin a kalmado.
Kasaruno ti naranggas a tignay-protesta a nangitunda iti ipupusay ti 72 nga indibidual ken pannakadangran ti sumagmamano a dadduma pay.
Innayonna pay a rumbeng a dinggen dagiti opisial ti gobierno dagiti agtutubo.
Sinuktan ni Karki ni KP Sharma Oli a naglusulos iti puesto gapu iti agtultuloy a gulo.
Kinunana pay ti 73-anyos a sigud a justice chief a napateg ti kiddaw dagiti agproprotesta ken daytoy ti panagleppas ti korapsion, nasayaat a panagtakem, ken panangpasayaat ti ekonomia.
Inkarina pay nga ipaayan ti gobierno dagiti pimmusay iti tignay-protesta iti $11,300.
Nangrugi ti tignay-protesta idiay Nepal kalpasan ti panangipawil ti gobierno ti social media.
