Dinutukan ni President Ferdinand “Bongbong” Marcos Jr. ni sigud a Supreme Court Associate Justice Andres Reyes Jr. kas chairperson iti Independent Commission for Infrastructure a mang-imbestigar kadagiti naanomalyaan a flood control projects.
Maipalagip a ni Reyes ket sigud a nagserbi kas presiding judge ti Court of Appeals ngem nagretiro daytoy idi May 2020.
Nagserbi metlaeng daytoy kas trial judge idi 1987, presiding justice of appellate court idi 2010 ken nadutukan daytoy iti Philippine court idi 2017.
Kabayatanna, babaen iti Executive Order No. 94, naituding nga agimbestigar ken i-evaluate-da dagiti ebidensya, intelligence reports ken impormasyon kontra kadagiti amin a government officials ken empleyado a karaman kadagiti naanomalyaan a flood control projects.
