Impakaammo ni Department of Agriculture Secretary Francisco Tiu Laurel Jr. a maatap a pinilit ida ni Bicol Party-list Representative Zaldy Co a mangipaiyulog iti importation permits kadagiti tallo a kompanya daytoy.
Sigun kenni Laurel, pwinersa ida ni Co a mangipaay iti 3,000 a containers para iti ikan ken mangipaay iti permit— banag a saanna a pinatgan gapu ta sigun kenkuana ket addaan dagitoyen iti formula a nalawag a scientifically fair.
Innayon ni Laurel a sakbay a simrek daytoy kas sekretaya iti nasao nga ahensya, mapalpalubusan ti panagidiskarga kadagiti pribado a sangladan ken uray siasino laengen ti agilislista nu sadino, kunana nga adu dagiti inikkatna gapu ta adu ti mapaspasamak a kalukwan.
Ti panangiruar ni Laurel iti daytoy ket kalpasan a sinaludsod ni Bicol Saro Party-list Rep. Terry Ridon ti maipapan iti status iti panagangkat iti ikan iti Pilipinas partikular iti galunggong.
