Ligal itan idiay South Korea ti panagtattoo dagiti nonmedical professionals kalpasan a naaprubaran ti “Tattooist Act” iti National Assembly.
Manipod iti 202 a miembro wenno manmanday linteg a nakipaset iti assembly, 195 dagiti pimmabor bayat a pito dagiti nag-abstain.
Naaprubaran daytoy kalpasan ti 33 a tawen a matartarigagayan nu sadino, iti bileg daytoy ket mapalubusan dagiti nonmedical professionals a mang-tattoo.
Maipalagip a sipud 1992, iligal kadagiti nonmedical workers ti mangtattoo gapu ta sigun iti Korte Suprema sadiay ket maysa daytoy a medical procedure rason a dagiti laeng doktor ti mapalubusan a mangipatungpal iti daytoy.
Babaen iti nasao a paglintegan, kasapulan laeng dagiti mangipatungpal iti daytoy a pumasa iti national exam wenno makaala iti lisensya tapno maibilang a professional tattooist.
Nupay kasta, saan a saklawen daytoy ti tattoo removal kadagiti nonmedical professionals.
