Indeklara ti Israel ti ceasefire sadiay Gaza rason a nangrugi metten dagiti Palestinians a nagsubli kadagiti nadadael a pagtaenganda.
Ditoy met nga inyebkas ni US President Donald Trump ti kumpyansana a ti naideklara ti ceasefire agsipud ta nabannog amin dagitoy iti dua a tawenen a gubat.
Naipaayan met iti gundaway dagiti Hamas a mangipalubos kadagiti iggem dagitoy a hostages sadiay Gaza.
Kabayatanna, impakaammo ti Israel a 250 a Palestinian a balud ti manamnama a mapalubusan.
Kagiddan dayta, nangrugi metten dagiti rescue workers a mangbiruk kadagiti bagi dagiti umili sadiay a napandagan iti debris bayat ti gubat.
Mailukat metlaeng ti EU mission iti Rafah border iti nagtengngaan ti Gaza ken Egypt inton Oktubre 14, 2025.
Kinumpirmar pay ni Trump a makipagsinnarak daytoy kadagiti dadaulo iti sadiay Egypt inton lunes tapno mapagtatalantanan ti masakbayan dagiti umili sadiay Gaza.
