Maal-allukoy manen ti publiko nga agparehistro kagiddan ti panagresume ti voter registration para iti 2026 Barangay and Sangguniang Kabataan elections iti pagilian.
Iti panakiuman ti Bombo Radyo kenni Richard Buenaventura, Election Officer sadiay Bakun, Benguet kinunana a dua laeng ti nagparehistro iti umuna nga aldaw ti registration idi Oktubre 20, 2025 bayat nga awan ti nagparehistro ita nga aldaw.
Gapu iti dayta, kinunana a nakikoordinar metten daytoy kadagiti barangay officials tapno maipaay kadakuada dagiti schedule dagiti brgy. assembly kadagiti nagduduma a barangay sadiay Bakun, Benguet.
Sigun kenkuana nakikoordinar dagitoy tapno mangipaayda iti impormasyon kadagiti umili nangruna dagiti saan paylaeng a nagparehistro rason nga impettengna a gundawayan daytoy ti publiko nga agparehistro.
Kagiddan dayta, namnamaenna nga adun to dagiti agparehistro inton sumarsaruno nga aldaw gaputa come and go dagiti umili sadiay.
Gapu iti dayta,al-allukuyenna dagiti umili a makipaset kadagiti barangay assembly nangruna ket agturong dagitoy tapno ilawlawag ken agdamag no kaanu ti panangipanda kadagiti machine iti bukodda a lugar.
