Nasentensyaan iti lima a tawen a panakaibalud ti sigud a presidente iti France a ni Nicolas Sarkozy kalpasan a napaneknekan a guilty daytoy iti kaso a criminal conspiracy mainaig iti panangalana iti campaign funds manipod iti sigud a dadaulo iti Libya a daydi Muammar Gaddafi para iti panagtarayna kas presidente iti France iti 2007 presidential elections.
Gapu iti dayta, ni Sarkozy ti kaunaan a presidente iti modern France a nakedngan a maibalud.
Ti kaso ni Sarkozy a criminal conspiracy ket mainaig iti minilmilyon a Euro nga illicit funds a naalana manipod kenni Gaddafi para iti kampanya kas presidente kasukat ti partikular a diplomatic favor.
Nabutusan ni Sarkozy kas presidente ken nagserbi daytoy sipud 2007 agingga 2012.
Ti nasao a pangngeddeng ket inladawan daytoy nga “extreme gravity in regard to the rule of law” ngem impettengna a nu pagayatan dagiti daduma a maibalud daytoy ket agnaed iti pagbaludan a sipapannakkel ken addaan dignidad.
Patienna a ti naipila a kaso kontra kenkuana ket politically motivated.
Kabayatanna, naabsuelto met daytoy kadagiti sabali pay a kaso pakairamanan iti passive corruption ken illegal campaign financing.
