Imbasura ti Office of the Ombudsman ti kaso a graft kontra kenni sigud a Cebu Governor Gwendolyn Garcia seknan iti kontrobersial a Mananga River flood control project.
Maibasar iti desision ti Ombudsman, awan ti umno nga ebidensia tapno mapaneknekan nga adda ti napasamak a korapsion iti panangisayangkat ti proyekto idi isuna ket nagtakem iti umunu a termino kas maysa a gobernador.
Ti reklamo ket adda pakainaiganna iti mapapati a naanomalyaan a kontrata para iti flood control project idiay Talisay City, Cebu.
Iti resolusion, kinuna ti Ombudsman a saan a napaneknekan nga adda ti saan a nasayaat nga intensyon wenno panaglabsing iti linteg ni Garcia iti panagaprobar ti proyekto.
Gapu iti daytoy, imbasura ti Ombudsman ti kaso ken inikkatda ti aniaman a sungbatan ti sigud a gobernador.
