Inkari ni House Speaker Faustino “Bojie” Dy III a suportaran iti Kamara dagiti kaudian nga executive order ni President Ferdinand Marcos Jr. a makatulong kadagiti mannalon.
Pakairamanan daytoy iti panakaituding iti floor price para pagay kasta metten ti naan-anay a panakaiyimplimintar iti Sagip Saka Act.
Sigun kenni Dy, nabayagen a binaklay dagiti mannalon ti kinarigat gapu iti unfair a presyo dagiti maan-ani dagitoy ngem babaen iti Executive Order 100, maipaayanda iti fair value ken maipanamnama kadakuada ti maiparbeng a gunggona iti panagtrabahoda.
Babaen met iti Executive Order 101, maipaayan iti nasaysayaat a namnama dagiti mannalon kadagiti mapastrekanda.
Kagiddan dayta,impasigurado ni Dy nga imonitor dagitoy ti panakaiyimplimintar dagiti nasao a pammilin.
Makitinnulong metlaeng dagitoy iti Department of Agriculture (DA) tapno maipasigurado a mapadur-as ti tunggal rural community.
