Pormalen a nailukat wenno naiyusuat ti Adivay festival ken ti 125th founding anniversary ti probinsya ti Benguet.
Immuna a naipatungpal ti ecunomical service no sadino paset metlaeng daytoy ti nasao nga aktibidad.
Iti panakiuman ti Bombo Radyo kenni Governor Melchor Diclas, kinunana nga adu dagiti nakasagana nga aktibidad ngem ti main highlight ket inton Nobyembre 23 no sadino ket ditoy a maipatungpal ti grand cañao ken ti parada.
Manamnama met ti nailet a gunay ti trapiko rason a kidkiddawenna ti panakaawat ti tumunggal maysa.
Kagiddan dayta, guyguyuguyenna ti publiko a makidar-ay kadagiti nagduduma nga aktibidad a paset ti Adivay Festival.
Kabayatanna, impetteng pay ni Governor Diclas a maysa a wagas ti panagbalin a healthier Benguet ti ti panagyaman kadagiti adda iti likudan ti panagdur-as ti probinsya, panangaywan iti aglawlaw ken dadduma pay.
Maipalagip a ti Adivay ket panagtitinumpuyog wenno panagkaykaysa dagiti i-Benguet ken dadduma pay a lugar.
Mainaig iti dayta, immunan metlaeng a naiparang dagiti sangapulo ket tallo a pares para iti Ms and Mr Benguet a paset ti nasao a festival.//Bombo Noveh Organo
