Agsagsagana manen ti Department of Social Welfare and Development (DSWD) para iti possible nga epekto ti sumaruno a bagyo iti baet a manarimaan ti panangipatungpal dagitoy iti relief operations para kadagiti pamilya a naapektaran iti typhoon Tino.
Sigun kenni Department of Social Welfare and Development Spokesperson and Assistant Secretary Irene Dumlao, imonmonitorda metlaeng ti possible a bagyo a mapanaganan iti Uwan.
Kinunana a dumanon met iti P2.87 billion ti standby funds ken stockpiles a food and non-food items kadagiti nagduduma a field offices dagitoy.
Malaksid iti dayta, pakabuklanen iti P69.4 million ti humanitarian ken relief assistance ti naideliver sadiay Visayas ken Mindanao agsipud ta dagitoy ti nakaro a naapektaran iti bagyo a Tino.
