Pinaglibakan dagiti sumagmamano a community elder ken dadduma a maseknan ti agwarwaras ti social media mainaig ti panakarenew ti exploration permit ti crescent mining and development corporaton sadiay Mankayan, Benguet.
Sigun kenni Atty. Materno Luspian- chief ti elder community ken sigud a mayor ti munisipyo ti Mankayan, saan a pudno dagiti ladawan nga agwarwaras a manarimaan ti panagminas ti nasao a mining corporation.
Impeksana a dakkel ti maitulong ti panagturong ti validation team manipud ti National Office ti National Commission on Indigenous Peoples (NCIP) tapno malawlawagan ti amin ken tapno makitada a mismo ti site.
Daytoy ket kagidaan metlaeng ti panagbalinna daytoyen a “national issue”
Kabayatanna, medyo ngimmato ti boses ti dadaulo ti Indigenous Peoples’ Mandatory Representation (IPMR) ti nasao a munisipyo gapu metlaeng iti agwarwaras a palso a damag.
Sigun kenkuana saan a pudno nga open pit ti mapasamak a panagminas iti kanito a matuloy nga agminas dagitoy.
Kinunana pay a nu adda man ti paseknan dagiti tumunggal maysa ket asitganda dagiti maseknan tapnu masungbatan dagiti saludsod dagitoy.//Bombo Noveh Organo
