--Ads--
Idagdagadag ni President Ferdinand Marcos Jr. iti publiko nga agtalinaed a kalmado ken naridam kagiddan ti possible nga epekto ti super typhoon Uwan.
Inyunay-unayna pay a rumbeng nga agsagana ken suruten ti safety instructions manipud kadagiti local nga otoridad.
Impettengna metlaeng a dagus nga agbakwit nangruna dagiti agnanaed kadagiti narisgo a lugar tapno maliklikan ti aniaman nga insidente.
Innayonna pay a nangideploy dagiti transportation agencies iti buses ken trucks a tumulong para iti panagbakwit no sadino nailukat metlaeng dagiti sumagmamano a mall ken pasdek a mabalin a maaramat a pagbakwitan ti publiko.
