Nasarakanen ti bagi ti maysa a mapukpukaw nga indibidual sadiay Western Uma, Lubuagan, Kalinga itay laeng agsapa, November 11, 2025.
Nabigbig daytoy a ni Ricardo Magwin ti immunan a naireport a mapukpukaw gapu iti napasamak a landslide sadiay Lubuagan, Kalinga idi Nobyembre 10, 2025 bayat ti bagyo nga Uwan.
Nasarakan daytoy babaen iti nagtitipon a pwersa dagiti search and rescue teams sadiay.
Nupay kasta, agtaltalinaed a mapukpukaw paylaeng ti kaduana a ni Barangay Kagawad Redento Tinio.
Gapu iti dayta, agtultuloy ti search and retrieval operations tapno masarakan ti nasao a biktima.
Maipalagip a napasamak ti landslide bayat a padpadasen dagiti biktima a mang-isalba kadagiti kagawaan dagitoy iti pagtaenganda sadiay Sitio Bantiyao, Barangay Western Uma.
Nangipaay metten ti Municipal Government of Lubuagan ken ti Kalinga Provincial Local Government Unit iti tulong kadagiti pamilya dagiti biktima.
