Inrekomendar itan ti Independent Commission for Infrastructure (ICI) ti pannakaipila ti kaso kontra kenni sigud a DPWH Secretary Manny Bonoan, tallo a senador ken dadduma pay a sigud nga opisial ti DPWH nga adda ti pakainaiganda iti maatap a korapsion iti flood control projects.
Sigun kenni ICI Chairman Andres Reyes, kiniddawdan iti Ombudsman nga adalenda ti potensial a panaglabsing iti Code of Conduct and Ethical Standards ni Bonoan ken dadduma pay nga opisial ti DPWH.
Karaman ditoy dagiti sigud nga Undersecretaries a da Roberto Bernardo ken Maria Cabral a maatap a mainaig iti iregularidad iti P74 million a ‘ghost’ flood control project sadiay Bocaue, Bulacan.
Nairekomindar metlaeng iti opisina ti Ombudman ti pannakaipila ti kaso kontra iti tallo a sigud ken agdama a Senador a saanen nga innaganan ni Reyes.
