Ngimmato iti 472 ti bilang dagiti maatap a “ghost” flood control projects iti pagilian sigun iti Department of Public Works and Highways (DPWH).
Sigun kenni DPWH Undersecretary Arthur Bisnar, ngimmato daytoy ti 472 manipud iti 420 sipud Mierkules, Nobiembre 12, 2025.
Maipalagip nga impakaammo ti DPWH idi Oktubre a dumanon iti 420 ti “ghost” flood projects kadagiti 8,000 a flood management projects a nainspeksion iti pagilian.
Naduktalan dagiti proyekto iti nagduduma a lugar iti Luzon, Visayas ken Mindanao.
Kaadduan kadagiti nailista a bilang ti ghost projects ket iti Luzon.
Kabayatanna, kinuna ni Bisnar a nangisayangkat ti Department of Economy, Planning, and Development in the Philippines (DEPDev) ti inisial nga inspeksion kadagiti 9,855 a flood management projects.
Iti nasao a bilang, dumanon iti 489 dagiti naduktalan a “ghost” projects.
