Impanamnama iti Philippine National Police (PNP) ti naing-inget a panagbantayda kadagiti agilako kadagiti iligal a klase iti palibang wenno paputok.
Sigun kenni PNP Chief Lt. Gen. Jose Melencio Nartatez Jr., binilinnan ti kapulisan iti intero a pagilian a mangipatungpal dagitoy iti regular nga inspeksyon kadagiti lugar a pakailaklakwan dagiti paputok.
Impetteng daytoy a kasapulan a saan laeng a kdagiti pagtagilakoan idiay Bocaue, Bulacan nu di ket kasta metlaeng kadagiti daduma a lugar a pakaar-aramidan dagiti nasao a banag.
Sigun kenkuana, addaan dagitoy iti koordinasyon kadagiti daduma nga ahensya tapno naparpartak ti panakatiliw dagiti agilako iti iligal a paputok.
Kagiddan dayta,nagkiddaw daytoy iti kooperasyon ti publiko nga ipakaammo kadagiti otoridad dagiti maduktalanda nga agilaklako iti iligal wenno saan nga otorisado a palibang.
