Impakaammo ni Senate President Vicente Sotto III a saan nga agsagsagana ti Senado iti posible a pannakaarestar ti sumagmamano a senador nga adda ti pakainaiganda iti the flood control scam iti pagilian.
Sigun kenni Sotto, saan paylaeng a napagtungtungan ti senado ti maipapan iti daytoy gaputa awan ti naawat ti Senado a komunikasion a mangipasimudaag iti umadani a pannakaaresto dagiti sumagmamano a senador.
Kasaruno daytoy iti kinumpirmar ni Ombudsman Jesus Crispin Remulla a posible a maipaulog ti arrest warrants sakbay ti December 15 para kadagiti Senador a kas kenni Senator Francis Escudero, Joel Villanueva, Jinggoy Estrada, sigud a senator Bong Revilla ken Nancy Binay.
Impetteng ni Remulla a maim-imbestigaran paylaeng da Senator Sonny Angara ken Senator Grace Poe iti posible a pakainaiganda iti naanomalyaan a flood control projects iti pagilian.
