Nainagunaran ti kaunaan a Brgy. CCTV Integration iti Baguio City Police Office Station 6 iti siudad ti Baguio itay nabiit.
Daytoy ket ket inisyatiba ti metlaeng ti nasao nga station.
Iti pannakiuman ti Bombo Radyo kenni BCPO City Director PCol. Ruel Tagel, kinununa nga adda ti limitasyon a macover ti command center rason a babaen iti daytoy ket mabalin a mareach dagitoy ken makita dagiti kalsada kadagiti babbarangays.
Sigun kenkuana ti pannaka-integrate dagitoy ket kas suporta metlaeng iti proactive policing dagitoy.
Kinunana a rumbeng a maprebentaran ti aniaman a krimen iti siudad ti Baguio ngem no kaspangarigan saan a malapdan daytoy ket atleast babaen kadagiti CCTV’s ket mabalin a mabigbig dagiti suspek wenno ti siasinoman a responsable iti krimen a napasamak no sadino paset daytoy ti crime prevention.
Impettengna pay a makatulong daytoy tapno makaalada iti ad-adu pay nga impormasyon para iti nasaysayaat a panagresponde dagitoy.
Kabayatanna, kinuna ni PCapt. Rodolfo Mangay-ayam Jr. Chief of Police ti BCPO S6 a daytoy ti kaunaan kadagiti amin nga stasyon ti BCPO.
Impettengna a babaen iti CCTV integration ket mabalin a madanun dagiti eskinita dagiti tunggal barangay nangruna ta kangrunaan a kalsada laeng ti madanun dagiti sc3 wenno ti command center.
Kinunana met nga idi paylaeng ket addan ti innem a working CCTV’s dagitoy rason a dakkel a tulong daytoy gapu ta bimmaba ti bilang dagiti menor de edad nga aglablabsing iti curfew hours.
Malaksid iti dayta, bimmaba metlaeng ti kaso ti panagtakaw ken dadduma pay a krimen.
Iti agdama agarup innem a pulo dagiti cctvs a naimuntar iti masakupan ti District 9 ken 19.
Gapu iti dayta, agyamyaman daytoy kadagiti barangay officials a nangsuporta ken nakicooperate kadakuada.
Innayonna met a manamnama nga addan tupay dagiti sumaruno inton umay a tawen a proyekto-da.
Ti pundo a naaramat para iti cctv integration ket manipud ti BCPO S6 ken paset metlaeng daytoy ti programa a “panangaywan iti kailyan ” 2.0 program ti Baguio City Police Office babaen iti panangidaulo ni PCol Ruel Tagel.//via Bombo Noveh Organo
