--Ads--
Inawagan ti Department of Environment and Natural Resources (DENR) ti publiko nga adaptaren ti eco-friendly practices bayat nga umadani ti pannakarambak ti baro a tawen.
Sigun iti nasao nga ahensia, ipatungpal ti 5Rs wenno refuse, reduce, reuse, repurpose ken recycle iti pannakaimanihar ti basura.
Napalagipan metlaeng dagiti local government units iti responsibilidad dagitoy a mangipatungpal iti Republic Act 9003 wenno Ecological Solid Waste Management Act.
Kabayatanna, kinuna ti DENR a ti panangkissay iti pannakasayang ti taraon ken pananglimitar kadagiti single-use plastics, ket agtalinaed a tulbek tapno maksayan ti environmental impact bayat ti selebrasion iti baro a tawen.
