Impetteng ti Office of the Ombudsman a saan amin nga impakita ni Batangas 1st District Rep. Leandro Leviste ti pakabuklan a dokumento manipud iti daydi sigud nga opisyal ti Department of Public Works and Highways a ni Undersecretry Catalina Cabral.
Sigun kenni Assistant Ombudsman Atty. Mico Clavano, inasitgan dagiti imbestigador iti Office of the Ombudsman ni Congressman Leviste kalpasan nga imbutaktakna nga adda kenkuana dagiti nasao a dokumento.
Innayon daytoy a napasamak daytoy bayat a sibibiag paylaeng daydi sigud nga opisial ti DPWH.
Nupay kasta, imbutaktak ni Clavano a limitado laeng a paset ti nasao a dokumento ti impresinta ti Congressman Leviste.
Gapu iti dayta, maisalungasing daytoy iti kinuna ti kongresista nga impakitana amin ti pakabuklan a ‘Cabral Files’ iti Office of the Ombudsman.
