Dinosdosena nga indibidwal ti maatap a pimmusay bayat nga adda ti nasurok 100 a nadangran gapu iti napasamak nga uram iti maysa nga ski resort idiay Switzerland kabayatan ti panakasarabo iti baro a tawen.
Maibasar it report iti maseknan a kameng iti pulisya sadiay, nangrugi ti uram iti agarop 1:30 iti parbangon idi kalman iti maysa a bar a maawagan ti Le Constellation.
Iti impormasyon a nagun-od ti maysa a mapagtalkan a source, imbinglay kadakuada ti dua a witness a ti napasamak nga uram ket maatap a gapu kadagiti sparklers a naikarga iti champagne bottles nga iggem dagiti waitress a naiyasideg iti bubida.
Iti istorya iti witness, nagtakder ti maysa a waitress iti abaga ti maysa a waiter nu sadino,ti iggem daytoy a champagne bottles nga addaan kadagiti sparklers ket sumagmamano laeng a sentimentro ti kaadayona agingga iti bubida.
Sigun pay iti witness, kalpasan a nauram ti bubida ket napartak a nagramaram ti apoy rason a dagos a nauram ti nasao nga establishimento.
Iti agdama, saan pay a naberipikar dagiti otoridad ti pakabuklan a bilang dagti pimmusay manipod iti mapatta-patta a 200 nga indibidwal nga adda iti nasao nga establishimento idi napasamak ti uram ken ibilbilangda paylaeng nga aksidente daytoy.
Kabayatanna,impanamnamada met ti helpline para kadagiti pampamilya dagiti biktima.
