BAGUIO CITY – Nailaylayon iti sangapulo nga aldaw ti Christmas market iti Rose Garden sadiay Burnham Park, Bagauio City.
Kasaruno daytoy iti kiddaw da Mr. Rocky Aliping, presidente ti Liga ng mga Barangay a pannakailaylayon daytoy sakbay a sublaten ti Baguio Flower Festival Foundation, Inc. (BFFFI) para iti Panagbenga festival.
Nagrugi daytoy idi January 19 ken agleppas intun January 28, 2026.
Maipalagip a masmasdaaw ni Baguio Mayor Benjamin Magalong nga adda ti pannakailaylayon dagiti Shelley’s wenno ti Christmas market sadiay Rose garden iti laksid a naisayangkat ti closing program idi January 18.
Sigun kenni Mayor Magalong, saan a naikonsulta daytoy kenkuana.
Impeksana pay a nasken a mapagsaritaan daytoy iti konseho tapnu adda ti resolution para ti nasao a banag.
Impetteng na pay a nasken a mapaka-ammuan ti executive wenno ti Mayor mainaig iti daytoy.//Bombo Noveh Organo
