Impakaammo ti International Criminal Court(ICC) a maangay ti confirmation of charges kenni sigud a President Rodrigo Duterte inton February 23, 2026.
Sigun iti ICC Pre-Trial Chamber 1, kabaelan ti sigud a presidente nga umatendar iti pre-trial proceedings iti kaso daytoy a war against humanity kalpasan a rimwar iti medical assessment dagiti independent experts a “fit” ti sigud a presidente a makipartisipar iti panagdengngeg.
Maipalagip a nangdutok ti chamber ti tallo a medical experts a mangiproseso iti medikal nga eksaminasyon kenni Duterte gapu iti maatap a cognitive impairment daytoy.
Iti inruar ti chamber a desisyon idi laeng kalman, saanna a pinatgan ti kiddaw ti defense team ti sigud a presidente nga indefinite adjournment dagiti proceedings.
Iti agdama, saan pay a kinumpirmar ti ICC nu ti panakipaset ti FPRRD iti confirmation of charges inton February 23 ket virtual wenno pisikal.
Kagiddan dayta,impetteng ti international tribunal a nu adda ti maysa wenno nasursurok pay a charges a makumpirma kabayatan ti confirmation of charges, maipaima ti kaso ni FPRRD iti trial chamber a mangipatungpal kadagiti sumarsaruno a panagdengngeg.
Ti confirmation of charges ket maysa a phase a pangkitaan dagiti husgado nu adda ti umdas nga ebidensya para iti panakabukel ti substantial grounds wenno naan-anay a pangibasaran a ti maysa a tao ket nagbasol mainaig kadagiti akusasyon kontra kenkuana.
