--Ads--
Binabalaw ni United Nations Secretary-General Antonio Guterres ti mapaspasamak a military escalation idiay Middle East. ‘
Sigun kenkuana, kasapulanen a sumardeng dagiti maseknan a pagilian ken mangitudingda ti panagsarita tapno matalantan dagiti isyu a kasapulan a marisot.
Sigun kenni Guterres, kasapulan a takderan dagiti amin nga UN member states ti oblogasyonda iti sidung ti international law pakairamanan ti United Nations Charter.
Binalaagan metlaeng ti UN chief a nu agtultuloy ti nasao a gulo ket dakkel ti epektona kadagiti sibilyan ken iti regional stability. //BomboKCS
