Dua nga indibidwal a karaman iti kaso nga illegal posession and discharge of firearms ti inarestar dagiti kameng iti Baguio City Police Office(BCPO) idi ngudo ti Pebrero ken Marso a Uno.
Pakairamanan daytoy ti agtawen iti 33 a lalaki a naarestar idiay Padre Zamora ken ti maysa nga agtawen iti 29 a lalaki a maatap a mentally challenged ken naarestar idiay Lower Magsaysay.
Iti report ti kapulisan, ti 33-años a suspek ket maatap nga adda iti impluwensya ti arak idi hinamonna ti passerby nga aglabanda.
Maatap nga impalpaltogna ti 9mm Pistol iti uneg ti compound dagitoy ngem naarestar kalpasan a naireport kadagiti pulis.
Kagiddan ti panakaarestarna ket nakumpiskar metlaeng ti nasao a paltog nga addaan pay iti maysa a magazine ken 14 live ammunitions.
Ti met 29-años a suspek ket nang-agaw iti paltog ti policewoman ken nagtaray paturong iti Lower Magsaysay idi kinamat ti maysa pay a pulis a nakaimatang iti komosyon.
Iti agdama, agpada dagiti dua a suspek a subject iti inquest proceedings ken sumangsango kadagiti kaso nga illegal discharge of firearm ken illegal possesion and discharge of firearms kasta metten ti direct assault.//Bombo Noveh Organo
