Aglimlimmeng dagiti 18 a maatap a sigud a miembro iti Philippine Marine Corps a nangibutaktak a nangipatulodda iti kuarta kadagiti sumagmamano a public officials.
Sigun iti United People’s Initiative (UPI), aglemlemmeng dagiti nasao nga inibidual gapu iti pangta iti siguridad dagitoy.
Impetteng ni UPI Secretary General retired Captain Rey Valeros Jr. a nakaawat dagiti 18 nga indibidual iti pangta iti siguridad.
Nupay kasta, saannan a dinakamat ti espesipiko a detalye.
Sigun pay kenni Valeros Jr., adda ti wagas dagiti maatap a sigud a Marine Corps tapno maamuanda no addaan dagitoy iti pangta.
Maipalagip nga inakusaran dagiti 18 nga ex-marines ti sumagmamano nga indibidual a maatap a nakaawat dagitoy iti kuarta manipud kenni sigud nga Ako Bicol Rep. Zaldy Co.
Nupay kasta, binaglibakan dagiti naakusaran ti alegasyon kontra kadakuada.
Kabayatanna, agtultuloy nga im-imbestigaran ti National Bureau of Investigation (NBI) ti kredibilidad ti akosasyon dagiti maatap nga ex-marines.
