--Ads--
Nagballaag ti Department of Energy wenno DOE kontra iti hoarding ken profiteering iti panangilako kadagiti produkto a petrolio, kagiddan iti panagngato iti presio iti lana gapu iti tension idiay Middle East.
Nakitinnulongen ti DOE iti DILG ken PNP tapno mapainget ti panamonitor kalpasan a nakaawat iti report iti posible nga iregularidad iti suplay ken panangilako iti gasolina iti Luzon ken Mindanao.
Sigun iti nasao nga ahensia, nainget a maipawil iti sidong iti Price Act ti hoarding ken profiteering iti kerosene ken LPG, nga addaan iti kaskenan a multa ken pannakaibalud.
Maguyguyugoy met ti publiko nga ipadamag ti aniaman a panaglabsing iti hotline 8888 wenno iti opisial a channel iti DOE.
