--Ads--
Impeksa ni President Ferdinand Marcos Jr. a saan nga interesado nga agsubli kas miembro ti pagilian a Pilipinas iti International Criminal Court.
Sigun kenni Palace Press Officer Undersecretary Claire Castro, saan nga agbaliw ti panggeddeng ni President Marcos Jr. seknan iti daytoy.
Kabayatanna, immuna nga inwaragawag ni President Marcos Jr. idi 2022 nga awan ti panggep ti Pilipinas a makikadua manen iti ICC.
Nupay kasta, impeksa ti presidente nga adalenda ken denggenda ti sentimiento ti publiko maipapan iti daytoy.
Maipalagip nga opisial a naglusulos ti Pilipinas iti ICC idi 2019
Daytoy ket sakbay a sukimaten ti international tribunal dagiti alegasion ti extrajudicial killings kabayatan ti war on drugs ni sigud a President Rodrigo Duterte.
