Nagbalaag ti Department of Transportation (DOTr) a mangipaulog daytoy iti show cause orders ken mangipaulog iti sanctions kadagiti abusado a ferry operators nga agsingsingir iti sobra a pamasahe kadagiti byaheros.
Iti sidung iti memorandum circular ti Maritime Industry Authority (MARINA), mabalin a mangingato ti singir dagiti shipping lines gapu pay laeng iti oil price hike ngem saan a ngumato iti 20% capacity.
“Kapag kayo ay lumabag sa kautusan ng MARINA, ng DOTr, we have to sanction you. Hindi po ibig sabihin na deregulated ang pamasahe, kayo ay may karapatang mang-abuso ng mga pasahero,” sigun kenni DOTr Secretary Giovanni Lopez.
Nangipatungpal met ni DOTr Secretary Giovanni Lopez ti surpise inspection iti Batangas Port kadua ni Philippine Ports Authority General Manager Jay Santiago tapno i-check ti ferry rates.
Sigun kadagiti opisyales, awan met ti nakitada nga overpricing idiay Zamboanga ngem mannarimaan ti imbestigasyon dagitoy iti maysa a ferry operators.
“Meron daw isolated incident sa Zamboanga na nagtaas ng more than 140 percent so I asked MARINA na i-show cause (order) niyo na yan,” dinakamat ni Lopez.
Innayon ti nasao nga ahensya nga ituloy dagitoy ti panagmonitor kadagiti ferry rates, nangnangruna iti iyaasideg ti Holy Week no sadino manamnama nga umado dagiti agbyahe pasubli kadagiti probinsya. //Bombo Karen Sapirao
