Kinumpirmar ni Senate President Vicente Sotto III a nakaawat daytoy iti surat manipod kenni Senador Ronald dela Rosa a mangkidkiddw iti pamiliana a patgan nga aramaten ti Senate Mansion iti siudad ti Baguio manipod Marso 26-29 para iti maysa a shooting competition.
Sigun kenni Sotto, in-refer na ti surat iti Senate Secretariat.
Kinumpirmar metlaeng ni Senate Secretary Mark Llandro Mendoza ti surat ngem saan a makaipaay iti kopia gaputa daytoy ket komunikasion manipod kenni dela Rosa.
Kinunana pay a saanda a maakomodar ti kiddaw ni dela Rosa gaputa manarimaan ti pannakatarimaan ken saan a mabalin a maaramat ti mansion nu saan a makidar-ay ti nagkiddaw.
Iti baet nga absent ni dela Rosa manipod iti Senado manipod idi Nobiebmbre 2025, nakapirma pay daytoy iti nasao a surat, kasta metten iti Minority Report iti Senate seknan iti naanomalyaan a flood control, ken ti Proposed Senate Resolution 343 a mangkidkiddaw iti national contingency plan para iti krisis, kas iti tension a mapaspasamak iti West Asia/Middle East.
Manipod idi, saanen a naimatangan ti publiko ni dela Rosa kalpasan ti damag nga imbilin ti International Criminal Court ti pannakatiliwna para iti akemna kas national police chief iti administrasion ni sigud a President Rodrigo Roa Duterte.
Nupay kasta, awan ti kumpirmasion nga adda iti arrest order kontra kenkuana.
Ti nabayag a kaawanna iti Senado ket nangitunda pay iti ethics complaint nga impila ti sumagmamano nga indibidual, ken ti panagkiddaw a saan a maipaay ti sueldo daytoy. Iti agdama, awan pay ti desision seknan iti nasao a banag.
