Nakemmeg ni alias “Moymoy, agtawen iti 46, mannalon ken maysa a HVI, ken residente iti Barangay Palina, Kibungan, Benguet iti naisayangkat nga anti-illegal drug operation idiay Barangay Palina, Kibungan, Benguet idi Marso 17 iti rabii.
Nakumpiskar manipod iti suspek ti dua a pidaso iti elongated (tubular form” a nabalkot iti newspaper ken brown a packing tap a naglaon iti maatap a dried marijuana leaves nga addaan iti mapatta-patta a timbang a dumanon iti 2 kilograms, ken addaan iti Standard Drug Price a P240,000.
Nasamsam manipod pay iti suspek ti sumagmamano a non-drug evidence kas iti maysa a pidaso iti genuine 1,000 peso bill a naiparabaw iti 59 a pidaso iti peke a 1,000 peso bill, maysa a pidaso iti sako, transparent plastic ken cellphone.
Ti suspek naiturn-over iti Kibungan Municipal Police Station para iti temporario a kustodia daytoy a dagiti nakumpiskar a drug evidence ket maiturn-over iti opisina iti PDEA- Cordillera para iti qualitative ken quantitative examination.
Dagiti non-drug evidences ket maipasidong met iti kostodia iti PNP DEG SOUCAR para iti umno a dokumentasion ken umno a disposision.
Balligi ti nasao nga operasion babaen iti panagregget dagiti kameng iti PNP Druge Enforcement Group Special Operations Unit Cordillera (Lead Unit), Kibungan MPS, PDEA-Cordillera ,Baguio-Benguet Provincial Office ken Regional PDEA Cordillera. | via Bombo Noveh Organo
