Pinasingkedan ti House of Representatives ti bersyon ti Senado iti gakat a mangpalubos iti temporaryo a panangkisay wenno panangsuspindir ti excise tax iti produkto a petrolyo.
Panggep ti nasao a gakat a mangpalag-an iti epekto ti panagngato ti presyo ti gasolina, diesel, ken dadduma pay a gagatangen kadagiti Pilipino.
Sigun kenni House Majority Leader Ferdinand Alexander “Sandro” Marcos, agserbi ti nasao a gakat kas “safety valve” iti panawen ti krisis kas iti mannarimaan a sitwasyon idiay Middle East a mangituntunda ita ti panagngato dagiti presyo ti petrolyo ken dadduma pay a gagatangen.
Iti sidung ti nasao a gakat, mabalin nga kissayan ni President Ferdinand “Bongbong” Marcos, Jr. ti agingga P10.00 tunggal litro ti gasolina ken P6.00 tunggal litro ti diesel babaen iti temporaryo nga suspension wenno reduction ti excise tax.
Innayon met nga inlawlawag ni House Speaker Faustino “Bojie” Dy III a ti nadakamat a gakat ket addang ti gobyerno iti agtultuloy a gubat idiay Middle East. //BomboKCS
