Inpilan ti Department of Justice (DOJ) ti kaso a tax evasion kontra iti contractor Curlee Discaya gapu iti naanomalyaan a flood control projects.
Karaman kadagiti naipila a kaso ket ti pananglabsing iti Sections 254 (Willful Attempt to Evade or Defeat Taxes) ken 255 (Willful Failure to Supply Correct and Accurate Information) of the National Internal Revenue Code of 1997.
Kinumpirmar met ni Prosecutor General Richard Fadullon nga imbasura ti Department of Justice ti motion for reconsideration nga impila ni Curlee Discaya.
Immunan nga impakaammo ti DOJ a mangipila dagitoy iti nagsina a reklamo a tax evasion kontra kenni Curlee Discaya ken ti asawa daytoy a ni Sarah Discaya.
Iti agdama, naipasidung ni Curlee Discaya iti kustodiya ti Senado bayat a nakabalud met ti asawa daytoy a ni Sarah idiay Lapu-Lapu City Jail. //bombokcs
