Impasigurado iti Local Price Coordinating Council (LPCC) iti Baguio City iti publiko a dagiti gasolinaan iti siudad ket mangisaysayangkat iti oil price adjustments kas maitunos iti agdama a pagalagadan iti tengnga iti epekto iti krisis idiay Middle East.
Sigun kenni Local Price Coordinating Council chairperson ken Baguio City Mayor Benjamin Magalong, awan ti nairekordda nga aniaman nga iregularidad manipod idi nangrugida a nagbantay iti sangapulo ket siam a gasolinaan iti siudad.
Tapno mapasayaat ti transparecny ken nalaka a mapapartak ti panangsungbat iti posible nga overpricing ken hoarding, nangiyuswat ti LPCC iti maysa nga online monitoring ken reporting system.
Impasigurado ni Magalong iti publiko a tumulong iti lokal a gobierno iti sektor iti transportasion iti tengnga iti panagngato iti presio iti lana.
Kinunana metlaeng a mangisumitirda iti singasing iti City Council para iti pondo nga aggatad iti P10 milion a mailatang iti Fuel Subsidy program.
Kabayatanna, inkari metlaeng ti presidente iti transport sector federation iti Baguio City a ni Wilson Bumay-et a makikoordinar kadagiti transport association ken kooperatiba tapno marepaso ti schedule iti biahe ken maipasigurado nga itultuloyda a mapagserbian dagiti commuter.
