Saan pay a sigurado nu makipaset ni Vice President Sara Duterte iti panagdenggeg iti impeachment inton bigat, sigun iti House Committee on Justice.
Sigun kenni Committee Chair a ni Gerville Luistro, awan pay ti naawatda nga statement manipod iti kampo iti bise presidente, ngem mangnamnama a sumango daytoy tapno sungbatanna dagiti alegasion, karaman ti isyu iti confidential funds ken mapapati a saan a mailawlawag a kinabaknangna.
Sigun kenni Luistro, adda iti desision ni Duterte nu makipaset wenno saan, ngem kaspangarigan saan a makipaset, mabalin daytoy a makaapektar iti depensa gapu iti saanna a panangipakita iti ebidensia ken dagiti saksi.
Kabayatanna, impasigurado iti komite a maituloy ti panagdengngeg ken masurot ti umno a proseso iti impeachment.
