Nagsapatan kas baro a prime minister iti Nepal ti sigud a rapper a ni Balendra Shah kalpasan ti “landslide victory” wenno panagballigina iti eleksion.
Iti tawenna a 35, daytoy ti kaubingan a lider iti pagilian iti uneg iti sumagmamano a dekada ken kaunaan manipod iti Madhesi community.
Naala ti partidona a Rastriya Swatantra Party ti 182 iti 275 a puesto iti parlamento.
Kangrunaan a karit kenkuana ti panagbangon iti ekonomia, panagaramid iti trabaho, ken panangibalud kadagiti karaman iti napasamak a naranggas nga anti-corruption protests idi napalabas a tawen.
Nagbukel ni Shah iti 14-member cabinet tapno makatipid iti gastos iti gobierno, ken nadutukan ni Swarnim Wagle kas finance minister.
Kinablaawen met daytoy iti India ken China, bayat a namnamaen ti umili idiay Nepal iti nataltalged ken nasayaat a gobierno
