Ipatumpal manen ti ng Land Transportation Franchising and Regulatory Board (LTFRB) ti service contracting program kadagiti drayber ti public utility vehicles (PUV) tapnp matulonganda dagitoy a mangsango iti agtultuloy a panagngato ti presyo ti produkto a petrolyo iti pagilian.
Sigun iti nasao nga ahensiya, maipatumpal ti nasao a programa kadagiti sumagmamano a ruta iti Metro Manila ken dadduma pay nga urban areas tapno masigurado ti agtultuloy a panagbyahe dagiti commuter.
Sigun kenni acting Transportation Secretary Giovanni Lopez, agkidkiddawdan iti P1 billion iti Department of Budget and Management (DBM) para iti target a pannakaiyemplementar ti programa inton Abril 15. 2026.
Saklawen ti programa dagiti bus iti EDSA, jeep nga agbibiyahe asideg iti Light Rail Transit (LRT) ken Metro Rail Transit (MRT) pakairamanan metlaeng dagiti dadduma pay a PUV a dumaldalan kadagiti transport hubs idiay Metro Manila.
Maipatumpal metlaeng ti nasao a programa idiay Davao City, Cagayan De Oro City, ken dadduma pay nga urban areas.
Naipatumpal ti nasao a programa iti 2020 iti sidung ti Republic Act No. 11494 idi pandemya no sadino naikkan ti linawas a subsidiya dagiti drayber. //bombokaren.c.s
